يا طير طاير فى العالى حر بتحلق فى سما مصر
كان نفسى يكون لى جناحين وأطير معاك العصر
أهرام شامخه وبرج وسد عالى هما دول ألأصل
أشوف نيلك الغالى أتمنى عشه على ضفتك قصر
""""""""""""""""""""""""
يا عم يا مراكبى يا فارد قلوعك على ضفاف النيل
ناسى هموم الزمان ده عايش وداير غنى ومواويل
من كتر هموم الدنيا وألأيام الغنى فى ودانى عويل
يا خوفى عليكى يا مصر المركب تغرق وهى بنا بتميل
"""""""""""""""""""""""""
يا صاحبى سيبك من اللى يقولك كل شىء عارف
ويعمل أنه اللى فاهم فى كل حاجه وهو مش عارف
ولما تلومه وتدله أو ترشده يقولك أنت مش عارف
خلاص بلدنا بتغرق وشايف وعامل نفسه مش عارف
""""""""""""""""""""""""""
يا صاحبى سيبك من اللى ياخد قرار بدون أمر ولا شوره
فاكر البلد عزبته عمده هو اللى يدى الأمر والباقى بلا شوره
العرف والدين علمنا كل أمور الناس فى دنيا الله بما شوره
قالها حكيم الزمان ما خاب من أستشار وخلى أمرهم شوره
""""""""""""""""""""""""""""""
ياصاحبى أصبر على بلوتك أحسن لك فرج الله قريب
أوعى فى يوم تمل وتظن أنك عايش فى بلدك غريب
جارك السو بكرة تجيلو زيحه ينزاح وأمر الله نافذ أكيد
بكره يزوره ملك الموت فى ميعاده لو ساكنوه قصر حديد
""""""""""""""""""""""""""""""
الرئيسية
مقياس الحب
شات
