مين انا........؟

فى الدُنيا مين أنــــــــا...فى الكون دا أبقـى إيه؟

ذرَّه ف مَلكوت فــنــا ......جارَّه اللعْــنه عـليــه

مين بالصدْقِ إكـتشَـفنى......... حسّ بيّا و عَرَفـــنى؟

سِمِعْـــنى أو نصَـفـْـنى؟ .........أو ضمِّنى بإيديـه؟

أسكُـــتْ أو أتـْـكــلـِّم ....... أفـْــرَح أو أتـألِّــم

سُكـاتى أو كـــلامى........ راح يـفــيد بإيــــه

وانا مِن مليون سـَــنـَـه......... بين أرض و بين سما

ما شُفت ف يوم هنــــا......... ولا حنـِّـيـت إلـيـــــه

فى الدُنيا مين أنــــــــا؟ ........فى الكون دا أبقى إيه؟