زمن النصر واصل الشهامه مصر

موضوع: زمن النصر واصل الشهامه مصر 2010-04-24, 3:09 am

قاضي القضاه ابن الهرم

فارس وثابت ع القيم

مصري الكرامة والشيم

وسط المحن عالي الجبين

باني الامل فوق المحال

راجل بجد مهوش خيال

طلقة في صدر الاحتلال

غرة على وجه السنين

فتوة جاب حق الغلابة

اسد قصاد كل الديابة

جمال وكله يا ناس مهابة

ناصر بجد وزيه مين

ريحة البارود عطر الورود

صوته لسان حال الصمود

يخطب ف يرتج الوجود

ويشد عزم المظلومين

و هو قاضي المحكمة

مرفوعة ليه المظلمة

و الدعوة دي مقدمة

من الرئيس صدام حسين

يا هل ترى فاكرينه مين؟

سيف العروبة اللى انكسر

الله يجازي دي السنين

اخر رجالات الزمن

فارس في عهد الدجالين

و جي يوجه الاتهام

لكل حاكم خاب و نام

متغطي بلحاف السلام

و ناسي غدر الغدارين

تلقاه تقول يا قوتك

تنده تقول يا عزتك

بالزمة تسلم جرأتك

ساعة الوداع ثابت رزين

اسد ما يخشى في يوم لقا

ع المشنقة عدل و تقا

رحلت حتى بدون بكا

من غير صراخ من غير انين

و سابوك تموت و تنشنق

و الحق فينا يتخنق

و اتخن ما فينا يتفلق

الفين خسارة يا مسلمين

و بكيت انا زي الصغار

لكن على رغم اللى صار

حسيت ساعتها بالفخار

و ملا فؤادي نور مبين

لما افتكرتك بانبهار

واقف تصارع لنحدار

و حروف كلامك زي نار

تحرق وشوش الكدابين

تنده لنا و تقول عرب

امريكا حمالة حطب

ترمي الاذى ويا العطب

قصاد ببان المؤمنين

..............رت ترحل بامتنان

يمكن يفوق بينا الزمان

زي الشهاب ميموت عشان

يحرق شيطان جاحد لعين

اما الشهود الموجودين

أسرى و ماتوا مربطين

حسرة على دم العرب

اصبح رخيص حالو مهين

و زهور بريئة موردة

بس الجتت متشردة

دهستها رجل اللى اعتدى

ماتوا وهما نعسانين

صبح السرير زي التابوت

تدخل تنام تدخل تموت

بالليل بأمر الاخطبوط

صبحم جتت متفتفتين

اولاد بنات اعمار كتار

في المحكمة هنا موجودين

و بدأ صدام سرد الحديث

و قله يرضيك يا رئيس

يبيعوا دمي بالرخيص

ويسجدوا لشيطان خسيس

بعد أما كنا نموت ولا

نرضاش في يوم زل وهوان

صبحم يحسوا بالحلا

لما يزيد ظلم الغيلان

باعوا المآذن كلهم

ولا فيش خلاص واحد بريء

حكم التاريخ على غدرهم

يعلن وفاتهم بالبطيء

احكم بقى بسم الشعوب

وذم اتباع المسيخ

يمكن يعود نبض القلوب

بحكم محكمة التاريخ

واما انتهى كدا م الكلام

فاتت ثواني من خشوع

وبدء كدة القاضي الهمام

يُنفض حروفه م الدموع

و نظر لقفص الاتهام

وقال أوام فين ردكوا

ان كان في رد او دفاع

دغري هاتوه من فضلكوا

لكن مادام خرسوا السباع

يبقى اسمعوني هقولكوا

بعد اللي انا سمعته هنا

بعد اللي قاله عنكوا

اشهد انا بموت القلوب

اللي بتسكن صدركوا

بعد اما تهتوا في الدروب

احكم انا بانــــــــــكوا

ع المزبلة وف سلسلة

هتروحوا شلة كلـــــكوا

و ليل نهار صغار كبار

تصرخ شعوبكوا تذمكوا

الدنيا عار و الاخرة نار

تحرق وششكوا و عضمكوا

مطرح ما تسروا في الوجود

تتبعكوا لعنة

تنزل شرار تنزل دمار

على دماغكوا تهدكوا

ياللي قبلتوا بالانكسار

من قلب قلبي كرهتكوا

بقلم بنت

طول عمرك روعة

الله اكبر عليكى
مكانك عالى يا اميرة
عالى دوما والله

جزاك الله خير
اغلى الناس

ولك من احلى سلام وكلام

اخوكى
محمد

وياااااااارب يطول فى مصر

مصر لها روحى
وعمرى كله

كلللللللللله

الله اكبر