وردة الربيـــع
*************
 
عدد المساهمات : 1876
تاريخ الميلاد : 05/11/1984
تاريخ التسجيل : 23/08/2009
العمر : 40
المزاج : هادئة
. :
 | | موضوع: زمان ... ودلوقتي 2010-04-25, 2:50 am | |
|
زمان ... ودلوقتي
خروج الولد وموعد رجوعه البيت
زمان: كان ممنوع التأخير ولو اتأخر يبقى لسبب قهري مع أبداء الأسباب والاعتذار الفوري
دلوقتي: تلاقي الولد داخل الساعة 1 صباحاً, باباه يقوله كويس انك متأخرتش النهاردة !!, يرد الولد: تأخير إيه يا مان أنا طالع أغير هدومي ونازل تاني, انا وكام واحد من اصحابي عندنا ماتش كده على الماشي.. خش انت نام ومتقلقش وانا مش هتأخر.. الاب نام وصحي ونزل يصلي الفجر وهو راجع يلاقي ابنه عند بتاع الفول بياكل: ايه يابني انت لسه مروحتش؟ يرد الولد: اهلااااا بالكبير اوى معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل,, يكمل الولد بعدين لقينا عصافير بطننا (بتطير) قلنا نسدها بأه
البنت لما حد يسألها.. إنتى مخطوبة؟
زمان: - لسه ربنا مأذنش, وعينها فى الأرض ووشها يحمر
دلوقتي: - لأ ليه عندك عريس؟ إيدي على كتفك.. ناس معندهاش نظر
الولد داخل على باباه ياخد مصروف الاسبوع
زمان:ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه
دلوقتى: - إيه يا مان احنا النهاردة كام فى الشهر؟ انت مش هتأبّجني ولا إيه حكايتك بالظبط؟ يالا اختصر عشان معنديش وقت وصاحبي بيرنلي عشان انزل.. ايه يا عم مش سامعني يعني؟ عايز الفلووووس...المونييييي
الاب راجع البيت
زمان:يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه
دلوقتى:الولد قاعد قدام الكمبيوتر او بيتفرج على ماتش كورة، البنت بتتكلم فى التليفون.. مش فاضيين يعملوا ايه!!.. الاب على الباب بيخبط.. مع العلم ان الاب ليه خبطة مميزة يعني عارفين انه اللى على الباب.. الاب خبط مرة واتنين ويرن الجرس.. فين وفين البنت اخدت بالها ان فى حد بيخبط: انت يابني متسيب اللي في ايدك ده وتروح تفتح لبابا, يرد الاخ: نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة, ترد: نعم؟؟على الاقل انا بتكلم فى التليفون اقول ايه لصاحبتي يعني؟؟ انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟.. يرد: ماتعدلي كلامك معايا انا اخوكي والولد هنا وكلامي لازم يتسمع.. ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا
ولد حب يتعرف على بنت
زمان: الولد لو راح يكلم بنت.. بعد ما تطلع عينه.. يحمر وشها.. ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها
دلوقتي:الولد راح يكلم بنت ردت عليه تقوله: لخّص عايز ايه من الأخر يعني؟؟ يعدي عليها اخوها ومعاه صاحبته يعملها باي من بعيد وهى ترد عليه ويمشي.. يمكن افتكر اللى واقف معاها ده عمود نور.. طبعا الولد واقف مندهش المهم يجي يتكلم تاني ترد عليه تقوله على فكرة انا مرتبطة وصاحبي.. يعني حتى مش خطيبها.. هيعدي عليا دلوقتي وعلى فكرة بيغير عليا موووت
نزول الولد لشراء احتياجات البيت
زمان:كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر
دلوقتي:الام يطلع عينها من التحايل على الولد ينزل يجيب حاجةمن البقال اللي جنبهم.. حتى يرد: ماتخلي فلانة تنزل ماهي قاعدة ما بتعملش حاجة.. الام تقوله: يابني ( ؟؟؟؟؟؟؟؟؟ ) المفروض ماتنزلش كتير ديه مهما كانت بنت والوقت متاخر.. يرد: بنت يعني ايه؟؟ العو ه ياكلها مثلا؟ ولا الاشكيف مستنيها؟ دي بنتك تخوف بلد.. تقول الأم: يابني انت المفروض راجل البيت.. يرد: وانتوا خليتوا فيها راجل مش طالبتم بالمساواة؟ يالا اشربوا عشان تبقوا تقولوا الراجل زى الست.. هى فى حاجات وحاجات لأ يعني؟؟ حاجة غريبة اوي
| |
|
عندليب الشباب
.
عدد المساهمات : 273
تاريخ التسجيل : 24/08/2009
. :
| | موضوع: رد: زمان ... ودلوقتي 2010-04-26, 2:12 am | |
| موضوع جميل جميل جميل اوى اوى اوى يا اخت ورده بجد رائع رائع تسلمى
بس كنت عايز اسالك سؤال هو انتى كنتى عايشه بمصر ولا ايه فعلا كل ده بيحصل حاليا
وكمان انتى نسيتى حاجه الاطفال الصغيرين قديما كانوا بيغنوا اغانى ماما زمانها جايه وكانوا بيسمعوا حواديت ابله فضيله
واغانى عالم سمسم
انما حاليا بيسمعوا اغانى ادينى الحقنه بسرعه ارجوك محتاجه الجرعه
والاغنيه الشهيره وشربت حجرين ع الشيشه ... والعنب
والله العظيم وانا بكتب الرد ده سمعت بنت صغيره جارتنا واقفه فى البلكونه وبتغنى ادينى الحقنه بسرعه ارجوك محتاجه الجرعه
فضلت اضحك
على العموم موضوعك فى غاية الروعه بجد وعجبنى جدا ياريت يتم تثبيته
| |
|
دلع..؟؟؟
.,
 
عدد المساهمات : 559
تاريخ الميلاد : 16/06/1991
تاريخ التسجيل : 24/08/2009
العمر : 33
العمل/الترفيه : طالبة جامعية
المزاج : رومانسية بس منسية
. :
| |
دلع..؟؟؟
.,
عدد المساهمات : 559
تاريخ الميلاد : 16/06/1991
تاريخ التسجيل : 24/08/2009
العمر : 33
العمل/الترفيه : طالبة جامعية
المزاج : رومانسية بس منسية
. :
| | موضوع: رد: زمان ... ودلوقتي 2010-04-26, 1:45 pm | |
| اها نسيت اقول اني دخلت اشوف الموضوع
لاني لاقيت عندليب الشباب رد ع الموضوع
وانا عارفة انة عندليب مش ع اي موضوع برد
الا يكون مهم جداا وعجبوو
فدخلت اشوف اية اللي لفت اهتمام العندليب
فعلا موضوع يستاهل وقفة مننا كلنا
ويستاهل انة نرد علية
سوري اتحملوني
دلـــــــــــــع | |
|
مقياس الحب
شات
