صحافة واعلام وتلفزيون وناس مستنين
مؤتمر صحفي كبير فيه كل المسئولين
والكبير جي يتكلم عن احوال المحكومين
بداء بالسلام وايه من القرآن الكريم
واتكلم علي انجازاته والمنهج السليم
الابتسامه ماليه وشه صحيح انك لئيم
وسؤال من صحفي شاب خرج عن المئلوف
بيسئل عن ناس ماتت من الارهاب والخوف
والرد كان ابتسامه لازم نقدر الظروف
وشوية تصريحات احنا بنرفض وندين
وكام شيخ بيهز راسه بيدعيله باسم الدين
والمواطن محروق دمه ياعيني عليه مسكين
اعلانات وشقق بجناين ومصلحتك ديما اولا
وانا بدور علي الرغيف صحيح كنت مغفلا
القطر عمال بيجري وبنحاول مايفوتناش
ومتسئلنيش مين الي سرق زهرة الخشخاش
معارضه واحزاب ومظاهره كلنا خالد سعيد
والقبطي بيموت في دمه وقت صلاة العيد
وهوجة لازم نتحد ويحيا الصليب مع الهلال
والتراس خارج من المطش بيسرق كشك البقال
شغل عيال عاملين عصابه والامن طايح فيهم
و تزوير الانتخابات انا والله مليش دعوه بيهم
الي ينجح ينجح يعني هوه من بقية اهلي
ومليون ونص جنيه شهرية مدربين الاهلي
لاللتعصب ويا مرحب بالاخلاق الرياضيه
بنختلف للمصلحه بعيدا عن الامور الشخصيه
اهو كلام ولازم نقوله يعني هنتسلي ازاي
اعتبر كلامي هلوسه كاني انسان رغاي
وفكك من الهم وقوم اشربلك واحد شاي
الرئيسية
مقياس الحب
شات
