سوق النفوس
وحيد أنا في الدنيا
بيقولوا علي منحوس
نصحني واحد وقاللي
يا أبني اشتري لك صاحب ولو بفلوس
قلت منين أجيب صاحب وفي
يسير معاي فـ الطريق سواء غالب أو مغلوب
قاللي ما تدورش كتير وإجري علي سوق النفوس
قلت في عقلي هي النفوس بقت تتباع فـ السوق
ضحك وقال : باين عليك مش من هنا يا أبني
الدنيا سوق كبيرة كل حاجة فيها بتنباع
فيها الفقير والغفير و المحترم والأفندي
عملت بنصيحته ولحد هناك ووصلت
ويا ويل ما رأيت
ناس كتيرة وعالم ياما
من أبيض وأسود وأحمر
حتي طويل الهامـة
ياااه . . كل دول قبلوا ينباعوا
علشان يعيشوا بسلامة
ولفت نظري واحد مكتوب عليه ببلاش
سألت عنه قالوا لي
فاكر نفسه الدلايلاما
نظراته مكسورة وحزينة لكن . .
لمحت في عنيه الكرامة
قلت له : ليه قابل تبيع نفسك في سوق النفوس
قال ياصاحبي مش بخطري
أنا أسير . . مأسور . . محبوس
فضلت أنباع ببلاش
أحسن ما يشتروني ضعاف النفوس
ضحكت وقلت له : ما هي هي
مصيرك تروح لواحد منهم
صرخ وقال لا :
دول بيحبوا يشتروا كل حاجة بالفلوس
سألته : تيجي معايا ونعيش يا صاحبي ولو بغموس
من غير ما يفكر قال . . ياريت !
أنا ما صدقت لقيت واحد يفك أسري ببلاش
ده أنا أعيش معاك ياصاحبي من غير معاش
ومشينا أنا وهو وتركنا سوق النفوس
ومشينا أنا وصاحبي فـ البلاد بنطوف
ندور علي أسواق تانية للنفوس
نفك أسر ناسها
اللي رافضة تتباع بفلوس
ونعيش مع بعض بكرامة
وناكلها ولو لقمة حاف
من غير ذل وندامة
الرئيسية
مقياس الحب
شات
