مواقف طريفة

انا جيت بسرعة اتاخرت عليكم


شوفو دى مش تسالى ولا لعبة ولا نكتة بس شرط اساسى على كل عضو يقول اكتر موقف مضحك مر بة



يلا يا مارو شجعى الاعضاء وخليهم يضحكو معاكى



انتو طبعا عارفين ان 20 كيلو دة حاجة تقيلة قوى


انا كنت شيلة 20 كيلو سكر يا ناس يا سكر ساعة كاملة مستنية تاكسى ومفيش تالا اله الا اللهى عايز يقف

حسيت ان بتنا دة فى الصحرة ومفيش سواق عايز يروح الصحرا كان فاكر ان رايح يزرعها ما علينا

تعبت من شيل السكر يا ناس ياسكر بس انتو مش تقال انتو اطعم حاجة فى حياتى

حطيت السكر على عربية مكنتش اعرف انها عربية حكومة


وجاءت الكارثة لما الظابط قالى يا انسة السكر تقيل على كبوت العربية

حولو تتوقعو ردى علية ولو لثوانى انا ممكن اقولة اية


1


2


3


عرفتو ردى كان اية


مش هطول عليكم هقولكم ردى حالا


قولتلو ما انتم تقال على البلد ومستحملنكم استحملو انتو كمان السكر :) :) :) :)


وبامانة شديدة مكنتش بتضحك وكنت بكلم جد جدا لدرجة ان الظابط زهل من طرقتى الحمد لله انى روحت بتنا بسلامة


هرجع تانى اشوف مواقفكم الطريفة استنونى